പേരാമ്പ്ര: പഞ്ചായത്ത് പ്രൈമറി സ്കൂൾ കലോത്സവത്തിൽ പേരാമ്പ്ര എ.യു.പി സ്കൂൾ ഒന്നാം സ്ഥാനവും പേരാമ്പ്ര എൻ.ഐ.എം.എൽ.പി സ്കൂൾ രണ്ടാം സ്ഥാനവും നേടി. ആതിഥേയരായ എരവട്ടൂർ എ.എം.എൽ.പി സ്കൂളിനാണ് മൂന്നാം സ്ഥാനം. അറബി സാഹിത്യോത്സവത്തിൽ പേരാമ്പ്ര എൻ.ഐ.എം.എൽ.പി സ്കൂൾ ജേതാക്കളായപ്പോൾ ജ്ഞാനോദയം എ.എൽ.പി സ്കൂൾ രണ്ടാം സ്ഥാനം നേടി. കിഴിഞ്ഞാണ്യം എൽ.പി സ്കൂളും എടവരാട് എ.എം.എൽ.പി സ്കൂളും മൂന്നാം സ്ഥാനം പങ്കിട്ടു. ഗ്രാമപഞ്ചായത്ത് പ്രസിഡൻറ് കെ.എം. റീന ഉദ്ഘാടനം ചെയ്തു. വൈസ് പ്രസിഡൻറ് കെ.പി. ഗംഗാധരൻ നമ്പ്യാർ അധ്യക്ഷത വഹിച്ചു. വി.കെ. സുനീഷ്, ഇബ്രാഹിം എത്തുംകര, വി.കെ. പ്രമോദ്, ഗോപി മരുതോറമ്മൽ, രാജൻ നമ്പ്യാർ എന്നിവർ സംസാരിച്ചു. പ്രധാനാധ്യാപകൻ ജി.കെ. ബാബുരാജ് സ്വാഗതവും കെ. അരുൺകുമാർ നന്ദിയും പറഞ്ഞു. സമാപന സമ്മേളനം വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൻ വി. ആലീസ് മാത്യു ഉദ്ഘാടനം ചെയ്തു. വാർഡ് മെംബർ അബ്ദുൽ റഹ്മാൻ പുത്തൻപുരയിൽ അധ്യക്ഷത വഹിച്ചു. രതി രാജീവ്, കെ.കെ. രജിത എന്നിവർ സംസാരിച്ചു. പി.ടി.എ പ്രസിഡൻറ് എൻ.എം. അഷ്റഫ് സ്വാഗതവും കെ.പി. സമീർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.