കൊടുവള്ളി: മികച്ച നടിക്കുള്ള ദേശീയ പുരസ്കാരം നേടിയ സുരഭിയെ ജന്മനാടായ എളേറ്റില് വട്ടോളിയില് പൗരാവലി ആദരിക്കുമെന്ന് സ്വാഗതസംഘം ഭാരവാഹികള് വാർത്തസമ്മേളനത്തില് അറിയിച്ചു. എളേറ്റില് ഗ്രാമീണ ഗ്രന്ഥാലയത്തിെൻറ ആഭിമുഖ്യത്തിലാണ് 23ന് വൈകീട്ട് അഞ്ചുമണിക്ക് സ്വീകരണം നല്കുന്നത്. എളേറ്റില് വട്ടോളി വീണപാറയില്നിന്ന് ജനപ്രതിനിധികളുടെയും കുടുംബശ്രീ പ്രവര്ത്തകരുടെയും ഗ്രാമവാസികളുടെയും സാന്നിധ്യത്തില് സുരഭിയെ സ്വീകരിച്ചാനയിക്കും. സിനിമാനടി നിലമ്പൂര് ആയിഷ പരിപാടി ഉദ്ഘാടനം ചെയ്യും. ഗ്രാമപഞ്ചായത്ത് പ്രസിഡൻറ് എൻ.സി. ഉൈസന് അധ്യക്ഷത വഹിക്കും. കോഴിക്കോട് ശാരദ, വിനോദ് കോവൂർ, ബ്ലോക്ക് പഞ്ചായത്ത് പ്രസിഡൻറ് സി.ടി. വനജ എന്നിവര് പങ്കെടുക്കും. പരിപാടിയുടെ ഭാഗമായി നാടകം, മാജിക് ഫൻറാസിയ, ഗാനവിരുന്ന് തുടങ്ങിയവയും നടക്കും. വാർത്തസമ്മേളനത്തില് സ്വാഗതസംഘം ചെയര്മാന് പി. സുധാകരൻ, സലാം വട്ടോളി, പി. സുധാകരൻ, മജീദ് മുത്തേടത്ത്, വി.പി. സുല്ഫിക്കര് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.