കടലുണ്ടി: ബിവറേജസ് വിരുദ്ധ ജനകീയ മുന്നണിയുടെ സമര പ്രഖ്യാപന യോഗം പ്രബോധിനി ജങ്ഷനിൽ ചേർന്ന് ഭാവി സമര പരിപാടികൾക്ക് രൂപം നൽകി. ചൊവ്വാഴ്ച രാവിലെ പത്തിന് പഞ്ചായത്ത് ഓഫിസിലേക്ക് ബഹുജന മാർച്ച് നടത്തും. വട്ടപ്പറമ്പിൽനിന്ന് തുടങ്ങുന്ന മാർച്ചിൽ സ്ത്രീകളും കുട്ടികളുമടക്കം പങ്കാളികളാകും. പഞ്ചായത്തിലെ വിവിധ ഭാഗങ്ങളിൽ സമരപരിപാടികൾക്ക് രൂപം നൽകി. യോഗത്തിൽ ചെയർമാൻ എൻ.കെ. ബിച്ചിക്കോയ അധ്യക്ഷത വഹിച്ചു. ബ്ലോക്കംഗങ്ങളായ സബൂന ജലീൽ, സി.എം. സതീദേവി ടീച്ചർ, കുമാരൻ മൂസ്സത്, അഡ്വ. മണികണ്ഠൻ, എൻ.വി. ബീരാൻകോയ, വാർഡ് അംഗങ്ങളായ അഡ്വ. പി.വി. മുഹമ്മദ് ഷാഹിദ്, സി.പി. വത്സല, അസീസ് വള്ളിക്കുന്ന്, സി.പി. അളകേശൻ, ചന്ദ്രൻ, രജനി സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.