നാദാപുരം: പുറമേരി കുനിങ്ങാട് റോഡിലെ കെ.വി.എൽ.പി സ്കൂൾ പരിസരത്തെ റോഡിൽ ബൈക്കിലെത്തിയ സംഘം ബോംബെറിഞ്ഞ് പരിഭ്രാന്തി പരത്തി. സ്കൂൾ പരിസരത്തെ റോഡിലെ കോൺക്രീറ്റ് സ്ലാബിൽ പതിച്ച ബോംബ് വൻ ശബ്ദത്തോടെ പൊട്ടിെത്തറിച്ചു. വെള്ളിയാഴ്ച രാത്രി ഒമ്പത് മണിയോടെയാണ് സംഭവം. സമീപത്തെ വീടിെൻറ മുറ്റത്തുനിന്ന് ഫോൺ ചെയ്യുകയായിരുന്ന ഗൃഹനാഥൻ തലനാരിഴക്കാണ് രക്ഷപ്പെട്ടത്. സ്ഫോടനത്തെ തുടർന്ന് സ്റ്റീൽ ബോംബിെൻറ അവശിഷ്ടങ്ങൾ റോഡിലും മറ്റും ചിതറിക്കിടക്കുകയാണ്. ബോംബിനുള്ളിലെ ആണികൾ സമീപത്തെ തെങ്ങിൽ തറച്ച നിലയിൽ കണ്ടെത്തി. നാദാപുരത്തുനിന്ന് കൺേട്രാൾ റൂം പൊലീസ് സ്ഥലത്തെത്തി പരിശോധന നടത്തി. സ്ഫോടനം നടക്കുന്നതിനു മുമ്പ് ബൈക്കിൽ രണ്ടുപേർ ഇതുവഴി പോയതായി ദൃക്സാക്ഷികൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.