കൊടുവള്ളി: നെതർലൻഡ്സ് വികസന മന്ത്രാലയത്തിന് കീഴിലുള്ള എൻ.എഫ്.പി ഫെലോഷിപ് പ്രോഗ്രാം പരിപാടിയിൽ പങ്കെടുക്കാൻ കൊടുവള്ളി സ്വദേശിക്ക് അവസരം . കൊടുവള്ളി കരീറ്റിപ്പറമ്പ് അബൂബക്കർ-ഖദീജ ദമ്പതികളുടെ മകൻ മുഹമ്മദ് റാഫിക്കാണ് ഒക്ടോബർ രണ്ടുമുതൽ 13 വരെ നെതർലൻഡ്സിലെ മസ്ടിച്ച്ട് സ്കൂൾ ഓഫ് മാനേജ്മെൻറിൽ നടക്കുന്ന മാസ്റ്ററിങ് ലീഡർഷിപ് കോഴ്സിൽ പങ്കെടുക്കാൻ അവസരം കിട്ടിയത്. യൂറോപ്പിൽ മാനേജ്മെൻറ് പഠനരംഗത്ത് പതിനൊന്നാം റാങ്കിൽ നിൽക്കുന്ന ഈ സ്ഥാപനത്തിലെ ഫെലോഷിപ് പ്രോഗ്രാമിന് 70 ലോകരാജ്യങ്ങളിൽ നിന്നുള്ള നൂറോളം യുവതീയുവാക്കളെയാണ് െതരഞ്ഞെടുത്തിരിക്കുന്നത്. ഫെലോഷിപ് പ്രോഗ്രാം യാത്രയുമായി ബന്ധപ്പെട്ട മുഴുവൻ െചലവുകളും െനതർലൻഡ്സ് സർക്കാർ വഹിക്കും. കോമൺവെൽത്ത് യൂത്ത് പീസ് അംബാസഡർ നെറ്റ് വർക്കിങ്ങിെൻറ കീഴിൽ ഗ്ലോബൽ യൂത്ത് പീസ് അംബാസഡറായി സേവനമനുഷ്ഠിച്ചുവരുന്ന മുഹമ്മദ് റാഫി കൊച്ചിൻ യൂനിവേഴ്സിറ്റിയിൽ നിന്ന് എം.ബി.എ പൂർത്തീകരിച്ചശേഷം ബംഗളൂരുവിൽ സ്വകാര്യസ്ഥാപനത്തിൽ ജോലിചെയ്തുവരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.