കോഴിക്കോട്: ശമ്പളം വൈകലിനെതിരെ കെ.എസ്.ആർ.ടി.സിയിൽ ട്രാൻസ്പോർട്ട് ഡെമോക്രാറ്റിക് ഫെഡറേഷൻ (ടി.ഡി.എഫ്) ജൂൺ 14ന് നടത്തുന്ന പണിമുടക്കിന് കേരള സ്റ്റേറ്റ് ട്രാൻസ്പോർട്ട് എംപ്ലോയീസ് ഒാർഗനൈസേഷൻ (എസ്.ടി.യു) പിന്തുണ പ്രഖ്യാപിച്ചു. ഇടതു സർക്കാർ കെ.എസ്.ആർ.ടി.സിയെ നശിപ്പിക്കാൻ ശ്രമിക്കുകയാണെന്ന് പ്രസിഡൻറ് ഇ.ടി. മുഹമ്മദ് ബഷീർ എം.പിയും ജനറൽ സെക്രട്ടറി പി.എം. കോയയും പ്രസ്താവനയിൽ ആരോപിച്ചു. മാസത്തിൽ അവസാന ദിവസം ശമ്പളം നൽകിയിരുന്ന കെ.എസ്.ആർ.ടി.സിയിൽ അഞ്ചാം തീയതിക്ക് മുമ്പ് ശമ്പളം ലഭിക്കാതായിട്ട് മാസങ്ങളായി. ഇൗ മാസത്തെ ശമ്പളം ഇതുവരെ ലഭിച്ചിട്ടില്ല. നിരന്തര സമരത്തിലൂടെ പാർട്ടി വളർത്തി അധികാരത്തിൽ വന്നവർ സമരത്തിെൻറ പേരിലാണ് തൊഴിലാളികളെ ഇപ്പോൾ പിരിച്ചുവിടുന്നതെന്നും പ്രസ്താവനയിൽ ചൂണ്ടിക്കാട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.