അരക്കിണർ: ബി.ജെ.പിയുടെ ചെറുവണ്ണുർ ഓഫിസ് തല്ലിത്തകർത്തതിൽ പ്രതിഷേധിച്ച് ബേപ്പൂർ നിയോജക മണ്ഡലം ഹർത്താലിൽ ബി.സിറോഡിലെ മധുരബസാർ അങ്ങാടിയിലെ ഡി.വൈ.എഫ്.ഐ ബസ് സ്റ്റോപ് ബന്ദനുകൂലികൾ അടിച്ചുതകർത്തു. രാത്രി ബി.ജെ.പി പ്രവർത്തകരുടെ പ്രകടനത്തിനുനേരെ അരക്കിണറിൽ കല്ലേറ് നടന്നു. െപാലീസ് ലാത്തി വീശി. പ്രകടനക്കാർ ചിതറി ഓടി. വൈകീട്ട് ബേപ്പൂർ മാഹി സിവിൽ സപ്ലൈസ് ഗോഡൗണിന് മുന്നിലുള്ള ഡി.വൈ.എഫ്.ഐ ബസ് വെയിറ്റിങ് ഷെഡ് തകർത്തിട്ടുണ്ട്. മാത്തോട്ടം, അരക്കിണർ, ബേപ്പൂർ ഭാഗങ്ങളിൽ കടകമ്പോളങ്ങൾ അടഞ്ഞുകിടന്നു. ബേപ്പൂർ മുതൽ വട്ടക്കിണർ വരെ ബസ് ഗതാഗതം സ്തംഭിച്ചു. ബേപ്പൂർ ഹൈസ്കൂൾ ഉച്ചയോടെ ക്ലാസ് നിർത്തി. photo waiting shed.jpg ബി.സി.റോഡിലെ മധുരബസാർ അങ്ങാടിയിൽ ഡി.വൈ.എഫ്.ഐയുടെ ബസ് വെയിറ്റിങ് ഷെഡ് തകർത്ത നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.