തിരുവള്ളൂർ: അപകടഭീഷണി ഉയർത്തിയ മരം വൈദ്യുതി ലൈനിൽ വീണിട്ടും മുറിച്ചുമാറ്റാത്ത കെ.എസ്.ഇ.ബി നടപടിയിൽ വ്യാപക പ്രതിഷേധം. വള്ള്യാട് കപ്പള്ളിമുക്ക് റോഡിലാണ് മുരിക്ക് മരം വൈദ്യുതി ലൈനിൽ വീണത്. വിവരം അധികൃതരെ അറിയിച്ചിട്ടും മുറിച്ചുമാറ്റാൻ എത്തിയില്ല. മരം ലൈനിലേക്ക് ചായുന്ന കാര്യം 10 ദിവസം മുമ്പുതന്നെ നാട്ടുകാർ ആയഞ്ചേരി കെ.എസ്.ഇ.ബി അധികൃതരെ അറിയിച്ചിരുന്നു. എന്നാൽ, മുറിച്ചുമാറ്റാൻ ഇവർ തയാറായില്ലെന്ന് നാട്ടുകാർ കുറ്റപ്പെടുത്തി. വള്ള്യാട് യു.പി സ്കൂൾ, വള്ള്യാട് എൽ.പി സ്കൂൾ, മദ്റസ എന്നിവിടങ്ങളിലേക്കുള്ള കുട്ടികൾ ഉൾപ്പെടെ നിരവധി യാത്രക്കാർ വഴിനടക്കുന്ന റോഡിലാണ് മരം ലൈനിൽ തങ്ങിനിൽക്കുന്നത്. ഏത് സമയവും പോസ്റ്റ് പൊട്ടി മരം താഴെവീഴാവുന്ന നിലയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.