കോഴിക്കോട്: റെയിൽവേ സ്റ്റേഷനിൽ നിന്ന് ഇരുനൂറോളം പാക്കറ്റ് പുകയില ഉൽപന്നങ്ങൾ പിടികൂടി. വ്യാഴാഴ്ച രാവിലെയാണ് സംഭവം. കോഴിക്കോട് റെയിൽവേ സ്റ്റേഷനിൽ എത്തിയ നേത്രാവതി എക്സ്പ്രസിലെ നാലാമത്തെ ജനറൽ കോച്ചിൽ നിന്നാണ് വിപണിയിൽ 50,000 രൂപ വിലവരുന്ന പുകയില ഉൽപന്നങ്ങൾ പിടികൂടിയത്. ആർ.പി.എഫും എക്സൈസും ചേർന്നാണ് പരിശോധന നടത്തിയത്. ആർ.പി.എഫ് എസ്.ഐ കെ.എം. നിഷാന്ത്, എ.എസ്.ഐ സബരീഷ് ബാബു, ഹെഡ് കോണ്സ്റ്റബിൾമാരായ സഹദേവൻ, മുരളീധരൻ, എക്സൈസ് ഇൻസ്പെക്ടർ വിശ്വനാഥൻ എന്നിവരുൾപ്പെട്ട സംഘമാണ് പുകയില ഉൽപന്നങ്ങൾ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.