കോഴിക്കോട്: കാലിക്കറ്റ് പ്രസ് ക്ലബും കാലിക്കറ്റ് ഫോട്ടോ ജേണലിസ്റ്റ് ഫോറവും ചേർന്ന് സംഘടിപ്പിക്കുന്ന കോഴിക്കോട്ടെ ന്യൂസ് ഫോട്ടോഗ്രാഫര്മാരുടെ ഫോട്ടോപ്രദര്ശനം 'ബിയോണ്ട് വേര്ഡ്സ്- 2017' ബുധനാഴ്ച മുതല് 30 വരെ ലളിതകല അക്കാദമി ആര്ട്ട് ഗാലറിയില് നടക്കും. പ്രദര്ശന ഉദ്ഘാടനം ബുധനാഴ്ച രാവിലെ 11ന് ട്രാൻസ്ജെൻഡർ നടി അഞ്ജലി അമീര് നിര്വഹിക്കുമെന്ന് സംഘാടകർ വാര്ത്തസമ്മേളനത്തില് അറിയിച്ചു. അഞ്ചുദിവസം നീളുന്ന പ്രദര്ശനത്തില് 35 ഫോട്ടോഗ്രാഫര്മാരുടെ ചിത്രങ്ങളാണ് ഉണ്ടാവുക. പഴയകാല ഫോട്ടോഗ്രാഫര്മാരുമായി മുഖാമുഖം, ദേശീയ ചലച്ചിത്ര അവാര്ഡ് നേടിയ നടി സുരഭി ലക്ഷ്മിയുമായി സംവാദം, ചിത്രകാരന്മാരുടെ കൂട്ടായ്മ തുടങ്ങിയ പരിപാടികള് പ്രദര്ശനത്തിെൻറ ഭാഗമായി നടക്കും. പ്രദർശനം കാണാനെത്തുന്നവർക്കായി അടിക്കുറിപ്പ് മത്സരവും ഒരുക്കുന്നുണ്ട്. പ്രസിദ്ധീകരണത്തിനൊരുങ്ങുന്ന 'തത്സമയം' ദിനപത്രത്തിെൻറ സഹകരണത്തോടെയാണ് ബിയോണ്ട് വേര്ഡ്സ് സംഘടിപ്പിക്കുന്നത്. പ്രസ്ക്ലബ് പ്രസിഡൻറ് കമാല് വരദൂർ, സെക്രട്ടറി എന്. രാജേഷ്, വൈസ് പ്രസിഡൻറ് ഇ.പി. മുഹമ്മദ്, തത്സമയം പത്രാധിപര് ടി.പി. ചെറൂപ്പ, ഫോട്ടോ എക്സിബിഷന് കണ്വീനര് പി.ജെ. ഷെല്ലി, ഫോട്ടോ ജേണലിസ്റ്റ് ഫോറം കൺവീനർ രാജേഷ് മേനോന് എന്നിവർ വാര്ത്തസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.