തിരുവമ്പാടി: കെ.എസ്.ആർ.ടി.സി ബസിൽനിന്ന് വീണ് വിദ്യാർഥിക്ക് പരിക്കേറ്റു. പുല്ലൂരാംപാറ സെൻറ് ജോസഫ്സ് ഹയർസെക്കൻഡറി സ്കൂളിലെ പത്താം ക്ലാസ് വിദ്യാർഥി െബഞ്ചമിനാണ് (15) പരിക്കേറ്റത്. ഓടിക്കൊണ്ടിരുന്ന ബസിെൻറ വാതിൽ തിരക്കുകാരണം തുറന്ന് പുറത്തേക്ക് വീഴുകയായിരുന്നു. പുല്ലൂരാംപാറ അങ്ങാടിക്ക് സമീപമായിരുന്നു അപകടം. ആനക്കാംപൊയിലിലേക്ക് പോവുകയായിരുന്നു ബസ്. കെ.എസ്.ആർ.ടി.സി ബസുകൾ മാത്രം സർവിസ് നടത്തുന്ന ഈ റൂട്ടിൽ സ്കൂൾ സമയത്ത് ഒരു ബസ് മാത്രമാണുള്ളത്. നൂറിലധികം വിദ്യാർഥികളാണ് ഒരേസമയം ബസിൽ കയറുന്നത്. കൂടുതൽ ബസുകൾ അനുവദിക്കണമെന്ന നാട്ടുകാരുടെ ആവശ്യം ഇതുവരെ നടപ്പായിട്ടില്ല. വിദ്യാർഥി തിരുവമ്പാടിയിലെ സ്വകാര്യ ആശുപത്രിയിൽ ചികിത്സ തേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.