പെരുമണ്ണ: പെൻഷൻ കുടിശ്ശിക ഒറ്റത്തവണയായി നൽകണമെന്ന് കേരള സ്റ്റേറ്റ് സർവിസ് പെൻഷനേഴ്സ് യൂനിയൻ പെരുമണ്ണ പഞ്ചായത്ത് യൂനിറ്റ് സമ്മേളനം ആവശ്യപ്പെട്ടു. പെരുമണ്ണ പഞ്ചായത്ത് പ്രസിഡൻറ് കെ. അജിത മെംബർഷിപ് വിതരണത്തിെൻറ ഉദ്ഘാടനം നിർവഹിച്ചു. യൂനിറ്റ് പ്രസിഡൻറ് ശിവദാസ് പന്തീരാങ്കാവ് അധ്യക്ഷനായിരുന്നു. സാമൂഹിക പ്രവർത്തകൻ കമ്പിളി ശങ്കരൻ മാസ്റ്ററുടെ നിര്യാണത്തിൽ സമ്മേളനം അനുശോചിച്ചു. മുതിർന്ന പെൻഷൻകാരെ കെ.എം. മാധവൻ നായർ പൊന്നാട അണിയിച്ചു. കെ.എസ്.എസ്.പി.യു ജില്ല ജോ. സെക്രട്ടറി പി. ചന്ദ്രൻ മാസ്റ്റർ, കുന്ദമംഗലം ബ്ലോക്ക് പ്രസിഡൻറ് എസ്.എം. ബാലകൃഷ്ണൻ, കെ.പി. ഭായ്, എം. ഉണ്ണിരാഘവ കുറുപ്പ്, മങ്ങത്തായ ഗോവിന്ദൻ നമ്പൂതിരി, കൃഷ്ണൻ നമ്പൂതിരി, കോമളവല്ലി, സരോജിനി ടീച്ചർ, ശശിധരൻ, രാഘവൻ മാസ്റ്റർ എന്നിവർ സംസാരിച്ചു. യൂനിറ്റ് സെക്രട്ടറി ഇ. സുരേന്ദ്രൻ സ്വാഗതവും ചന്ദ്രിക ടീച്ചർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.