നവീകരിച്ച മിഠായിതെരുവി​െൻറ ഉദ്​ഘാടനം ഒാണത്തിന്​

കോഴിക്കോട്: നവീകരണ പ്രവൃത്തി പുരോഗമിക്കുന്ന മിഠായിതെരുവി​െൻറ ഉദ്ഘാടനം ഓണാഘോഷ ഭാഗമായി നടത്തുമെന്ന് ജില്ല കലക്ടർ യു.വി. ജോസ്. മിഠായിതെരുവ് നവീകരണപ്രവൃത്തിയും പുരോഗതിയും വിലയിരുത്താൻ സ്ഥലം സന്ദർശിച്ച ശേഷം സംസാരിക്കുകയായിരുന്നു അദ്ദേഹം. സൗന്ദര്യവത്കരണ പദ്ധതിയുടെ ആദ്യഘട്ട പ്രവൃത്തിയാണ് ഇപ്പോൾ നടക്കുന്നത്. ഒാടനിർമാണവും ബി.എസ്.എൻ.എല്ലി​െൻറയും വൈദ്യുതിയുടെയും ഫയറി​െൻറയും കേബിളുകൾ ഭൂമിക്കടിയിൽ സ്ഥാപിക്കുന്ന പ്രവൃത്തിയാണ് ആദ്യഘട്ടത്തിൽ നടപ്പാക്കിവരുന്നത്. ജില്ല ടൂറിസം പ്രമോഷൻ കൗൺസിലി​െൻറ ആഭിമുഖ്യത്തിൽ ഉൗരാളുങ്കൽ ലേബർ കോൺട്രാക്ട് കോഒാപറേറ്റിവ് സൊസൈറ്റിക്കാണ് കരാർ. മേലേ പാളയം െറയിൽവേ സ്റ്റേഷൻ ജങ്ഷൻ മുതൽ 50 മീറ്റർ ദൂരമാണ് ആദ്യഘട്ടത്തിൽ പൂർത്തിയാക്കുക. മൊത്തം എട്ട് ഘട്ടങ്ങളായാണ് പ്രവൃത്തി പൂർത്തീകരിക്കുന്നത്. റെയിൽവേ സ്റ്റേഷൻ ജങ്ഷൻ മുതൽ എസ്.കെ. പൊറ്റക്കാട് പ്രതിമ വരെയുള്ള ഭാഗത്താണ് നവീകരണപ്രവൃത്തി നടത്തുന്നത്. 36.45 കോടി രൂപയാണ് പദ്ധതി ചെലവ്.