മദ്യം കടത്തവെ ബൈക്ക് അപകടത്തിൽപെട്ടു; ഒമ്പതു ലിറ്റർ മദ്യം പിടിച്ചെടുത്തു തിരുവമ്പാടി: അനധികൃതമായി ഒമ്പതു ലിറ്റർ വിദേശമദ്യം കടത്തുകയായിരുന്ന യുവാവിെൻറ ബൈക്ക് കാറുമായി കൂട്ടിയിടിച്ചു. ബൈക്ക് ഓടിച്ചിരുന്ന തിരുവമ്പാടി തമ്പലമണ്ണ ലക്ഷംവീട് കോളനിയിലെ സക്കീറിന് അപകടത്തിൽ പരിക്കേറ്റു. ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു. തിരുവമ്പാടി വിദേശ മദ്യഷാപ്പിൽനിന്ന് വാങ്ങി കക്കാടംപൊയിലിലേക്ക് വിൽപനക്ക് കൊണ്ടുപോകുകയായിരുന്നു. അനധികൃത മദ്യക്കടത്തിന് ഇയാൾക്കെതിരെ തിരുവമ്പാടി പൊലീസ് കേസെടുത്തു. കൂമ്പാറ- കക്കാടംപൊയിൽ റോഡിൽ കോട്ടയം വളവിൽവെച്ചായിരുന്നു അപകടം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.