കോഴിക്കോട്: എട്ടര പവൻ മോഷ്ടിച്ച സ്വർണാഭരണങ്ങൾ വിൽക്കാനെത്തിയ തമിഴ്നാട് തഞ്ചാവൂർ ഗാന്ധിനഗർ കോളനി സ്വദേശി മുത്തുവിനെ (22) റെയിൽവേ പൊലീസ് പിടികൂടി. റെയിൽവേ സ്റ്റേഷനിൽ പരിശോധന നടത്തിയ റെയിൽവേ പൊലീസ് സംഘം സംശയകരമായ സാഹചര്യത്തിൽ അറസ്റ്റ് ചെയ്യുകയായിരുന്നു. രണ്ടാഴ്ച മുമ്പ് മംഗലാപുരത്തുനിന്ന് സാന്ദ്രഗച്ചിയിലേക്ക് പോയ വിവേക് എക്സ്പ്രസിൽ യാത്രക്കാരനിൽനിന്ന് രണ്ടു സ്വർണമാലയും രണ്ടു സ്വർണവളയും നാണയവും അടങ്ങിയ ട്രാവൽ ബാഗ് മോഷ്ടിച്ചതാണെന്നും തമിഴ്നാട്ടിൽ നിരവധി മോഷണക്കേസുകളിൽ പ്രതിയാണെന്നും പൊലീസ് പറഞ്ഞു. ഒന്നാം ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു. റെയിൽവേ പൊലീസ് എസ്.ഐ ബി.കെ. സിജു, എ.എസ്.ഐമാരായ സാംസൺ, സതീഷ്കുമാർ, ശ്രീനിവാസൻ എന്നിവരടങ്ങിയ സംഘമാണ് പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.