ഐ.എം.എ മികച്ച ഡോക്ടർമാരെ പ്രഖ്യാപിച്ചു കോഴിക്കോട്: ഇന്ത്യൻ മെഡിക്കൽ അസോസിയേഷൻ കോഴിക്കോട് ചാപ്റ്ററിലെ 2017ലെ മികച്ച ഡോക്ടർമാർക്കുള്ള അവാർഡിന് ഡോ. ടി.പി. ജോസഫ്, ഡോ. ടി.പി. രാജഗോപാൽ, ഡോ. വി.കെ. ചെല്ലമ്മ എന്നിവർ അർഹരായി. ഡോ. ജോസഫ് മെഡിക്കൽ കോളജിലെ പീഡിയാട്രിക് സർജറി വിഭാഗം മുൻ മേധാവിയും ഡോ. ചെല്ലമ്മ ഗൈനക്കോളജി വിഭാഗം മുൻ മേധാവിയും ഡോ. രാജഗോപാൽ നെഞ്ചുരോഗ വിഭാഗം മേധാവിയുമാണ്. ഡോക്ടേഴ്സ് ഡേ ആയ ശനിയാഴ്ച വൈകീട്ട് 7.30ന് ഐ.എം.എ ഹാളിൽ നടക്കുന്ന പരിപാടിയിൽ അവാർഡ് സമ്മാനിക്കും. കാലിക്കറ്റ് സർവകലാശാല വി.സി ഡോ. കെ. മുഹമ്മദ് ബഷീർ, ഡോ. ആസാദ് മൂപ്പൻ എന്നിവർ മുഖ്യാതിഥികളാകും. പാവപ്പെട്ട കാൻസർ രോഗികൾക്കായി ഏറാംപള്ളി കാരായി വിജയറാം മെമ്മോറിയൽ എൻഡോവ്മെൻറും മെഡിക്കൽ കോളജിലെ ഗൈനക്കോളജി വിഭാഗത്തിലെ മികച്ച പി.ജി വിദ്യാർഥിക്കുള്ള ഡോ. കെ.എം. ലക്ഷ്മി അമ്മ സ്മാരക അവാർഡും പരിപാടിയിൽ സമ്മാനിക്കും. തുടർന്ന് ഐ.എം.എ കുടുംബസംഗമവും കലാപരിപാടികളും അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.