കോഴിക്കോട്: സമഗ്ര അർബുദ നിയന്ത്രണ പദ്ധതിക്ക് കൊടിയത്തൂർ പഞ്ചായത്തിൽ തുടക്കമായി. കൊടിയത്തൂർ മേഖലയെ അർബുദ മുക്തമാക്കുക എന്ന ലക്ഷ്യത്തോടെ ബഹുമുഖ ബൃഹത് പദ്ധതിയാണ് മലബാർ കാൻസർ കെയർ സൊസൈറ്റിയുമായി ചേർന്ന് ഗ്രാമപഞ്ചായത്ത് നടപ്പാക്കുന്നത്. പദ്ധതി വിശദീകരിക്കുന്നതിനായി വിളിച്ചുചേർത്ത പ്രഖ്യാപന കൺവെൻഷൻ മലബാർ കാൻസർ കെയർ സൊസൈറ്റി ചെയർമാൻ ഡി. കൃഷ്ണനാഥ് പൈ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻറ് സി.ടി.സി. അബ്ദുല്ല പദ്ധതി വിശദീകരിച്ചു. പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ സണ്ണി വെള്ളാഞ്ചിറ അധ്യക്ഷത വഹിച്ചു. കൊടിയത്തൂർ പി.എച്ച്.സി മെഡിക്കൽ ഒാഫിസർ ഡോ. യു.പി. നൗഷാദ് സംസാരിച്ചു. പ്രോജക്ട് കോഒാഡിനേറ്റർ ഉമർ പുതിയോട്ടിൽ സ്വാഗതവും ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ.പി. ചന്ദ്രൻ നന്ദിയും പറഞ്ഞു. അർബുദം-അറിയാൻ-കണ്ടെത്താൻ-കീഴ്പ്പെടുത്താൻ എന്ന തലക്കെേട്ടാടെ തിരുവനന്തപുരം റീജനൽ കാൻസർ സെൻറർ, കൊടിയത്തൂർ പ്രാഥമികാരോഗ്യ കേന്ദ്രം, പെയിൻ ആൻഡ് പാലിയേറ്റിവ് സൊസൈറ്റി, സാമൂഹിക സന്നദ്ധ സംഘടനകൾ എന്നിവയുമായി കൈകോർത്താണ് പദ്ധതി നടപ്പിലാക്കുക. ഇതിെൻറ ഭാഗമായി പഞ്ചായത്തിലെ 5000ത്തിലേറെയുള്ള വീടുകളിൽ പരിശീലനം ലഭിച്ച സന്നദ്ധ പ്രവർത്തകർ സർവേ നടത്തും. തുടർന്ന്, രോഗ നിർണയ ക്യാമ്പ്, മെഗാ മെഡിക്കൽ ക്യാമ്പ്, തുടർചികിത്സ എന്നിവയാണ് പദ്ധതിയിൽ ഉൾക്കൊള്ളിച്ചിട്ടുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.