പാലം വന്നിട്ടും റോഡ് നന്നായില്ല; നാട്ടുകാർ ദുരിതത്തിൽ

കുറ്റ്യാടി: വേളം-ചങ്ങരോത്ത് പഞ്ചായത്തുകളെ ബന്ധിപ്പിച്ച് കുറ്റ്യാടിപ്പുഴയിലെ തെക്കേടത്ത്കടവിൽ പാലംവന്ന് ഒന്നര പതിറ്റാണ്ടായിട്ടും ഗതാഗതയോഗ്യമായ റോഡില്ലാത്തതിനാൽ നാട്ടുകാർ ദുരിതത്തിൽ. മുൻ എൽ.ഡി.എഫ് സർക്കാറി​െൻറ കാലത്ത് മുഖ്യമന്തി വി.എസ്. അച്യുതാന്ദനാണ് പാലം ഉദ്ഘാടനം ചെയ്തത്. കോഴക്കോട്-കുറ്റ്യാടി സംസ്ഥാന പാതയിൽ കടിയങ്ങാട് പാലത്തിൽനിന്നു തുടങ്ങുന്ന തേക്കേടത്ത്കടവ് റോഡ് പി.ഡബ്ല്യൂ.ഡി അധീനതയിലായിട്ടും ഇത്രയും കാലത്തനിടക്ക് യാതൊരു വികസനവും നടപ്പാക്കിയിട്ടില്ലെന്ന് നാട്ടുകാർ പറയുന്നു. ടാറിങ് തകർന്ന് നിറയെ കുണ്ടും കുഴികളുമായ റോഡ് അറ്റകുറ്റപ്പണിപോലും നടത്തുന്നില്ല. കഴിഞ്ഞ സർക്കാറി​െൻറ കാലത്ത് ഒന്നേമുക്കാൽ കോടിയുടെ എസ്റ്റിമേറ്റ് തയാറാക്കിയെങ്കിലും അനുമതി ലഭിച്ചിട്ടില്ല. കോഴിക്കോട് ഭാഗത്തുനിന്ന് വേളത്തേക്കുള്ള എളുപ്പമാർഗം കൂടിയാണിത്. കൂടാതെ, െപട്ടന്ന് വടകരയിലും എത്താം. വേളം ഭാഗത്ത് ഈ റോഡ് നബാർഡ് ഫണ്ടിൽ വികസിപ്പിക്കുന്ന പ്രവൃത്തി ആരംഭിച്ചിട്ടുണ്ട്. എന്നാൽ, ചങ്ങരോത്ത് ഭാഗം അവഗണനയിൽ തന്നെയാണ്. റോഡ് നന്നാക്കാത്തതിനാൽ ഇതിലെ ഒരു ബസ് മാത്രാണ് സർവിസ് നടത്തുന്നത്.