വാണിമേൽ: മക്കളുമൊത്ത് കിണറ്റിൽ ചാടി രണ്ടു കുട്ടികൾ മരിച്ച സംഭവത്തിൽ മാതാവിനെതിരെ കൊലക്കുറ്റത്തിന് വളയം പൊലീസ് കേസെടുത്തു. കുറുക്കൻകണ്ടത്തിൽ ഹമീദിെൻറ ഭാര്യ ജനീഫനെതിരെയാണ് (27) കേസെടുത്തത്. മക്കളായ ഹനുൻ ഹമീസ് (നാല്), മുഹമ്മദ് റംഷാൻ (ഒന്നര) എന്നിവരെയുംകൊണ്ടാണ് യുവതി കിണറ്റിൽ ചാടിയത്. യുവതിയെ നാട്ടുകാർ രക്ഷപ്പെടുത്തിയെങ്കിലും കുട്ടികൾ രണ്ടുപേരും മരിച്ചു. അവശനിലയിലായ യുവതി കോഴിക്കോട് സ്വകാര്യ ആശുപത്രിയിൽ ചികിത്സയിലാണ്. കുടുംബവഴക്കാണ് യുവതിയെ കിണറ്റിൽ ചാടാൻ പ്രേരിപ്പിച്ചതെന്നാണ് പൊലീസിെൻറ പ്രാഥമിക നിഗമനം. ആശുപത്രിയിൽ പൊലീസ് കാവൽ ഏർപ്പെടുത്തിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.