കൊണ്ടോട്ടി: കരിപ്പൂർ വിമാനത്താവളം വഴി അനധികൃതമായി കടത്താൻ ശ്രമിച്ച 50 ലക്ഷം രൂപയുടെ സ്വർണം പിടികൂടി. ഇൻഡിഗോ വിമാനത്തിൽ ദുെബെയില് നിന്നെത്തിയ കണ്ണൂര് മല്ലൂര് ശിവപുരം സ്വദേശി അബ്ദുൽ സലാമിൽനിന്നാണ് (36) സ്വർണം കണ്ടെത്തിയത്. മിശ്രിതരൂപമാക്കി കാല്മുട്ടിന് താഴെ സോക്സിനകത്തായിട്ടായിരുന്നു ഒളിപ്പിച്ചത്. സംശയം തോന്നിയതിെന തുടർന്ന് കസ്റ്റംസ് ഉദ്യോഗസ്ഥർ നടത്തിയ പരിശോധനയിലാണ് പ്രത്യേക മിശ്രിതത്തില് സ്വര്ണം ലയിപ്പിച്ചതായി കണ്ടെത്തിയത്. മിശ്രിതം കാല്മുട്ടിന് താഴെവെച്ച് ബാന്ഡേജ് ചെയ്ത് ഒട്ടിച്ചുവെച്ച നിലയിലായിരുന്നു. രണ്ടര കിലോഗ്രാം മിശ്രിതമാണ് ഇയാളിൽനിന്ന് കണ്ടെടുത്തത്. ഇതിൽനിന്ന് ഒന്നര കിലോഗ്രാം സ്വർണമാണ് വേർതിരിച്ചെടുത്തത്. അസി. കമീഷണർ മുഹമ്മദ് റഫീഖ്, സൂപ്രണ്ടുമാരായ മുരളീധരൻ, കപിൽദേവ്, സന്ദീപ് എന്നിവരടങ്ങിയ സംഘമാണ് സ്വർണം പിടിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.