തിരുവനന്തപുരം: ബി.ജെ.പി സംസ്ഥാന ജനറൽ സെക്രട്ടറി ശോഭ സുരേന്ദ്രൻ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനെതിരെ നടത്തിയ വിവാദപ്രസംഗത്തിൽ കേസെടുക്കണമെന്നാവശ്യപ്പെട്ട് ഡി.ജി.പിക്ക് പരാതി. സി.പി.എം നേതാവ് വി. ശിവൻകുട്ടിയാണ് പരാതിനൽകിയത്. ബുധനാഴ്ച കോട്ടയം പൊൻകുന്നത്ത് പൊതുപരിപാടിക്കിടെയാണ് കോടിയേരിക്കെതിരെ ശോഭ സുരേന്ദ്രൻ വധഭീഷണി മുഴക്കിയത്. കോടിയേരിയോട് സമാധാനമായി മരിക്കേണ്ടേ എന്നായിരുന്നു ശോഭയുടെ ചോദ്യം. വയസ്സെത്രയായെന്നും തെക്കോട്ടെടുക്കേണ്ടേ എന്നും ചോദിച്ച ശോഭ, ഇനിയെങ്കിലും നേരാവണ്ണം ജീവിക്കാൻ ദൈവത്തോട് പ്രാർഥിക്കണമെന്നും പറഞ്ഞു. ശോഭക്കെതിരെ കേസെടുക്കണമെന്നാവശ്യപ്പെട്ട് സി.പി.എം ചിറക്കടവ് ലോക്കൽ സെക്രട്ടറി വി.ജി. ലാൽ കാഞ്ഞിരപ്പള്ളി ഡിവൈ.എസ്.പിക്ക് നേരത്തെ പരാതി നൽകിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.