നാദാപുരം: കല്ലാച്ചി ഗവ. യു.പി സ്കൂൾ പരിസ്ഥിതി കാർഷിക ക്ലബിെൻറ നേതൃത്വത്തിൽ പഠനത്തോടൊപ്പം കരനെൽ കൃഷിയുമായി വിദ്യാർഥികളും. നാദാപുരം കൃഷിഭവെൻറ സഹകരണത്തോടെയാണ് കൃഷി തുടങ്ങിയത്. അത്യുൽപാദനശേഷിയുള്ള 'ഉമ' വിത്താണ് മൂന്നു മാസത്തിനകം നൂറുമേനി വിളയിക്കാമെന്ന പ്രതീക്ഷയിൽ പാകിയത്. നാടൻ പച്ചക്കറികൾ വിപണിയിൽ തിരിച്ചുകൊണ്ടുവരിക എന്ന ലക്ഷ്യത്തോടെ വീടുകളിൽ പച്ചക്കറി കൃഷിയും തുടങ്ങി. കരനെൽ കൃഷിയുടെ വിത്തുപാകൽ നാദാപുരം പഞ്ചായത്ത് പ്രസിഡൻറ് എം.കെ. സഫീറ ഉദ്ഘാടനം ചെയ്തു. പാറയിൽ ക്ഷേത്രത്തിനടുത്തുള്ള തങ്ങംകണ്ടിയിൽ പ്രഭാകരെൻറ ഉടമസ്ഥതയിലുള്ള പറമ്പിലാണ് കൃഷിയിറക്കുന്നത്. താനിയുള്ളപറമ്പത്ത് മാതു അമ്മയും കോഴിക്കലംകണ്ടി രാധയും ഞാറ്റിപ്പാട്ടിന് നേതൃത്വം നൽകി. വാർഡ് അംഗം നജ്മബീവി, നാദാപുരം കൃഷി ഒാഫിസർ വടക്കയിൽ ഷംന, ഷിബു തോമസ്, ബി.പി.ഒ സി.എച്ച്. പ്രദീപൻ, പി.കെ. അശോകൻ, ശ്രീധരൻ നായർ, സി. രവീന്ദ്രൻ, കൃഷ്ണകുമാർ, സി.ആർ. സതീകുമാരി, ടി. സുനിൽകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.