ന്യൂഡൽഹി: അഖിലേന്ത്യ സിവിൽ സർവിസ് പരീക്ഷയിലെ ചോദ്യം തെറ്റാണെന്ന് ചൂണ്ടിക്കാട്ടി യൂനിയൻ പബ്ലിക് സർവിസ് കമീഷനെതിരെ നൽകിയ ഹരജി സുപ്രീംകോടതി തള്ളി. 2017ലെ പ്രിലിമിനറി പരീക്ഷയുടെ ഒരു േചാദ്യത്തിന് ഒന്നിലധികം ശരി ഉത്തരങ്ങളുണ്ടെന്നും അതിനാൽ ചോദ്യം ഒഴിവാക്കുകയോ ഗ്രേസ് മാർക്ക് നൽകുകയോ വേണമെന്ന് ആവശ്യപ്പെട്ടാണ് പരാതിക്കാരി കോടതിയെ സമീപിച്ചത്. എന്നാൽ, ഇക്കാര്യം ചൂണ്ടിക്കാണിച്ച് പരാതിക്കാരി കമീഷനെ സമീപിച്ചില്ലെന്നും കമീഷനെ സമീപിച്ചവരുടെ പരാതി പരിശോധിച്ച വിദഗ്ധസമിതി കഴമ്പില്ലെന്ന് കണ്ടെത്തിയെന്നും യു.പി.എസ്.സിക്കുവേണ്ടി ഹാജരായ അഡ്വ. പി.എസ്. പത്വാലിയ കോടതിയെ അറിയിച്ചു. ഇൗ വാദം പരിഗണിച്ചാണ് ഹരജിക്കാരിയുടെ പരാതിക്ക് പ്രസക്തിയില്ലെന്ന് ചൂണ്ടിക്കാട്ടി ജസ്റ്റിസ് ദീപക് മിശ്ര നേതൃത്വം നൽകുന്ന ബെഞ്ച് തള്ളിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.