കോഴിക്കോട്: ജില്ല സബ്ജൂനിയര് ഫുട്ബാള് ടൂര്ണമെൻറില് ആണ്കുട്ടികളുടെ വിഭാഗത്തില് ന്യൂ സോക്കര് അക്കാദമി ഫറോക്കും പെണ്കുട്ടികളുടെ വിഭാഗത്തില് കല്ലനോട് സെൻറ്മേരീസ് എച്ച്.എസും ജേതാക്കളായി. ഫൈനലില് ന്യൂസോക്കര് അക്കാദമിയും എച്ച്.എം.സി.എയും തമ്മില് നടന്ന മത്സരം ഓരോ ഗോള് വീതമടിച്ച് സമനിലയില് പിരിഞ്ഞതിനെതുടര്ന്ന് ഷൂട്ടൗട്ടില് നാലിനെതിരെ അഞ്ച് ഗോളുകള്ക്കാണ് ന്യൂസോക്കര് ജേതാക്കളായത്. പെണ്കുട്ടികളുടെ വിഭാഗത്തില് കല്ലാനോട് സെൻറ്മേരീസ് എച്ച്.എസ് ഒന്നിനെതിരെ രണ്ട് ഗോളുകള്ക്ക് നടക്കാവ് ഗവ. വൊക്കേഷനല് ഹയർസെക്കന്ഡറി സ്കൂളിനെ പരാജയപ്പെടുത്തി. വിജയികള്ക്ക് കെ.പി. മമ്മദ്കോയ, പി.സി. കൃഷ്ണകുമാര്, മോഹന്കുരിയാല് എന്നിവര് ട്രോഫികള് സമ്മാനിച്ചു. രാജീവ് മേനോന്, പി. ഹരിദാസ്, സി. കബീര്ദാസ്, സലാം തുടങ്ങിയവര് സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.