വടകര: വിൽപനക്കായി കൊണ്ടുവന്ന ഹെറോയിനുമായി യുവാവിനെ വടകര എക്സൈസ് സംഘം അറസ്റ്റ് ചെയ്തു. തലശ്ശേരി സ്വദേശി കോറോത്ത് റഹീസിനെയാണ് (27) വടകര റെയിൽവേ സ്റ്റേഷൻ പരിസരത്തുനിന്നും എക്സൈസ് ഇൻസ്പെക്ടർ പി.എം. സുജിത്തും സംഘവും പിടികൂടിയത്. ഇയാളുടെ പക്കലിൽനിന്നും അഞ്ച് പൊതി പിടിച്ചെടുത്തു. മാർക്കറ്റിൽ 6000ത്തോളം രൂപ വരും. ഇവ, തലശ്ശേരിയിൽനിന്നാണ് വാങ്ങിയതെന്ന് ഇയാൾ എക്സൈസിനോട് പറഞ്ഞതായി അറിയുന്നു. വിവിധ മേഖലകളിൽനിന്നും നിരോധിത ഉൽപന്നങ്ങളടക്കം എത്തിച്ച് വിൽപന സജീവമായ സാഹചര്യത്തിൽ പരിശോധനകൾ ശക്തമാക്കുമെന്ന് എക്സൈസ് സംഘം അറിയിച്ചു. വടകര ജുഡീഷ്യൽ ഫസ്റ്റ് ക്ലാസ് മജിസ്േട്രറ്റ് കോടതിയിൽ ഹാരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.