കോഴിക്കോട്: നാവുകളില് ആദ്യാക്ഷരം കുറിച്ച് ഇന്ന് ആയിരങ്ങള് അറിവിന്െറ ലോകത്തേക്ക് പ്രവേശിച്ചപ്പോള് ആഹാര സാക്ഷരതയുടെ സന്ദേശമുയര്ത്തി ബി.ഇ.എം സ്കൂളില് വേറിട്ട വിദ്യാരംഭം. പകര്ച്ചവ്യാധികള് നാടുകൈയടക്കുമ്പോള് ആഹാരത്തിന്െറ അറിവ് പകരാന് ഉദ്ദേശിച്ചായിരുന്നു പരിപാടി സംഘടിപ്പിച്ചത്. കേരള ഗാന്ധി സ്മാരക നിധിയും ജൈവ കര്ഷക സമിതിയും പരിസ്ഥിതി പ്രവര്ത്തകരും ചേര്ന്ന് നടത്തിയ പരിപാടിയില് ജില്ലയിലെ വിവിധഭാഗങ്ങളില്നിന്നുള്ള 1200ഓളം വിദ്യാര്ഥികളാണ് പങ്കെടുത്തത്. എഴുത്തുകാരി പി. വത്സല വിദ്യാര്ഥികള്ക്ക് തേന് നല്കി അമൃതാഹാര വിദ്യാരംഭത്തിന് തുടക്കംകുറിച്ചു. പ്രഫ. ടി. ശോഭീന്ദ്രന്, അഡ്വ. ശിവന് മഠത്തില്, ഡോ. പി.കെ. ശശിധരന്, തായാട്ട് ബാലന്, ഡോ. മനോജ് കാളൂര് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.