മുക്കം: സംസ്ഥാന സര്ക്കാര് ലോട്ടറിക്ക് വന്ഭീഷണി ഉയര്ത്തി മലയോരമേഖലയില് വ്യാപകമാവുന്ന ഒറ്റയക്ക ലോട്ടറിക്കെതിരെ പൊലീസ് നടപടി ശക്തമാക്കി. മുക്കം ബസ് സ്റ്റാന്ഡിലെ വ്യാപാരഭവന് സമീപം പ്രവര്ത്തിക്കുന്ന സ്റ്റാര് ലോട്ടറിയില് കൊടുവള്ളി സി.ഐ എ. പ്രേംജിത്തിന്െറ നേതൃത്വത്തില് റെയ്ഡ് നടത്തി. രഹസ്യവിവരത്തിന്െറ അടിസ്ഥാനത്തില് നടത്തിയ റെയ്ഡില് രണ്ടുപേരെ അറസ്റ്റ് ചെയ്തു. കാരശ്ശേരി കുമാരനെല്ലൂര് തടപ്പറമ്പ് സ്വദേശി അബ്ദുല് റസാഖ് (52), ഓമശ്ശേരി പാറക്കല് മനു (24) എന്നിവരാണ് പിടി യിലായത്. റെയ്ഡില് കടയില്നിന്ന് 40,730 രൂപയും പിടിച്ചെടുത്തു. ഡിവൈ.എസ്.പിയുടെ സ്പെഷല് സ്ക്വാഡ് അംഗങ്ങളായ എ.എസ്.ഐ സുരേഷ്, ഷിബില് ജോസഫ്, മുക്കം എസ്.ഐമാരായ മുഹമ്മദലി, ജോയ്, എ.എസ്.ഐ സുഗുണന്, സി.പി.ഒ സൂരജ് എന്നിവര് റെയ്ഡിന് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.