കോഴിക്കോട്: നാടന്പാട്ടുകള് പാടിയും ഛായാചിത്രം വരച്ചും ആദരാഞ്ജലികള് അര്പ്പിച്ച് കോഴിക്കോട്ടെ കലാകാരന്മാര്. കോട്ടൂളി യുവധാര ആര്ട്സ് ആന്ഡ് സ്പോര്ട്സ് ക്ളബിന്െറ ആഭിമുഖ്യത്തില് ബീച്ചില് സംഘടിപ്പിച്ച പരിപാടിയില് നിറഞ്ഞുനിന്നത് മലയാളത്തിന്െറ പ്രിയപ്പെട്ട നടന്െറ ഓര്മകളായിരുന്നു. ഗായകനും നാടകസംവിധായകനുമായ വിജേഷ് പുതിയറ, കുഞ്ഞന് ചേളന്നൂര്, ഗിരീഷ് ആമ്പ്ര, ബാലന് പട്ടാമ്പി എന്നിവര് മണിയുടെ നാടന്പാട്ടുകള് പാടി. പരാഗ് പന്തീരാങ്കാവ് വലിയ കാന്വാസില് മണിയുടെ ചിത്രം വരച്ചുകൊണ്ടാണ് ആദരാഞ്ജലി അര്പ്പിച്ചത്. മണിദാസ് പയ്യോളി വാസന്തിയും ലക്ഷ്മിയും എന്ന ചിത്രത്തിലെ കഥാപാത്രത്തെ അനുകരിച്ചു. ക്ളബ് ജോ. സെക്രട്ടറി കെ. വിജേഷ് അധ്യക്ഷത വഹിച്ചു. കെ.വി. പ്രമോദ് സ്വാഗതവും എന്.വി. റിനീഷ് നന്ദിയും പറഞ്ഞു. ഭാഗ്യരാജ്, പിങ്കി, സുധീഷ്, എ.കെ. പ്രശാന്ത് തുടങ്ങിയവര് നേതൃത്വം നല്കി. കലാകാരന്മാരുടെ വിയോഗത്തില് എപ്പോഴും അനുസ്മരണങ്ങള് നടത്തുന്ന പതിവുള്ള കോഴിക്കോട്ട് മണിയുടെ പേരില് ഇതുവരെ അനുസ്മരണങ്ങള് നടന്നിട്ടില്ളെന്ന് ക്ളബ് ഭാരവാഹികള് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.