ചാത്തമംഗലം: വെള്ളലശ്ശേരിയിലെ പാറക്കണ്ടി പ്രദേശത്ത് തെരുവുനായ്ക്കള് നാല് ആടുകളെ കൊല്ലുകയും നിരവധി ആടുകള്ക്കും താറാവുകള്ക്കും ഗുരുതരമായി പരിക്കേല്ക്കുകയും ചെയ്തു. തിങ്കളാഴ്ച വൈകീട്ട് മൂന്നു മണിയോടെയാണ് പത്തോളം നായ്ക്കള് ചേര്ന്ന് ആടുകളെ ആക്രമിച്ചത്. കുന്നുമ്മല് ബഷീര്, കുന്നുമ്മല് ജമീല, ഏറാടിപറമ്പത്ത് ഖദീജ, എരഞ്ഞിക്കോട്ടുമ്മല് അബ്ദുല് കരീം എന്നിവരുടെ ആടുകളെയാണ് നായ്ക്കള് കൊന്നത്. കാട്ടുപന്നികളുടെയും വളര്ത്തുമൃഗങ്ങളെ ആക്രമിക്കുന്ന തെരുവുനായ്ക്കളുടെയും ശല്യം കാരണം ജീവിതം ദുസ്സഹമാണെന്നും പ്രശ്നത്തിന് പരിഹാരം കാണണമെന്നും നാട്ടുകാര് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.