കോഴിക്കോട്: വധശ്രമക്കേസില് പൊലീസിനെ വെട്ടിച്ചുനടന്നിരുന്ന പ്രതികള് കഞ്ചാവുമായി എക്സൈസ് പിടിയിലായി. വെള്ളനൂര് സ്വദേശി നിഖില് (22), പൂവാട്ടുപറമ്പ് സ്വദേശി ജിതിന് റൊസാരിയോ (19) എന്നിവരെയാണ് പെരുമണ്ണ മേനോന് ക്വാറിയില്വെച്ച് എക്സൈസ് സ്പെഷല് സ്ക്വാഡ് എക്സൈസ് ഇന്സ്പെക്ടര് പി. മുരളീധരനും സംഘവും അറസ്റ്റ് ചെയ്തത്. കഞ്ചാവ് വില്പനയും ഉപയോഗവും നടക്കുന്നുണ്ടെന്നറിഞ്ഞ് മേനോന് ക്വാറിയും പരിസരവും ദിവസങ്ങളോളമായി എക്സൈസ് നിരീക്ഷണത്തിലായിരുന്നു. കഞ്ചാവ് ഉപയോഗിക്കാന് പ്രതികള് എത്തുന്നുണ്ടെന്നറിഞ്ഞ് എക്സൈസ് സംഘം കൈയോടെ പിടികൂടുകയായിരുന്നു. ഇവരില്നിന്ന് 40 ഗ്രാം കഞ്ചാവും കഞ്ചാവ് വില്പനക്കായി ഉപയോഗിച്ചിരുന്ന ബൈക്കും കസ്റ്റഡിയിലെടുത്തിട്ടുണ്ട്. കുന്ദമംഗലത്തെ രണ്ട് ഹോട്ടല് ആക്രമണക്കേസിലെ പ്രതികളാണ് അറസ്റ്റിലായവര്. എക്സൈസ് റെയ്ഡില് പ്രിവന്റിവ് ഓഫിസര് പി. വിനോദ്, സിവില് എക്സൈസ് ഓഫിസര്മാരായ രാമകൃഷ്ണന്, മനു, സജീവന് റഷീദ്, ഡ്രൈവര് മനോജ് എന്നിവര് പങ്കെടുത്തു. പ്രതികളെ ജെ.എഫ്.സി.എം-5 കോടതി മുമ്പാകെ ഹാജരാക്കി
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.