നാദാപുരം: രാത്രികാലങ്ങളിലെ അക്രമപ്രവര്ത്തനങ്ങള് തടയാന് അത്യാധുനിക ലൈറ്റുമായി പൊലീസ് രംഗത്ത്. എമര്ജന്സി ഇന് ഫ്ളാഷബ്ള് ലൈറ്റ് സിസ്റ്റമാണ് പൊലീസ് നാദാപുരത്തത്തെിച്ചത്. അഞ്ച് മീറ്റര് ഉയരത്തില് ബലൂണ് രൂപത്തില് പൊങ്ങി ഒന്നര കിലോ മീറ്റര് ദൂരത്തില് വരെ പ്രകാശം പരത്താന് ശേഷിയുള്ളതാണ് ലൈറ്റ്. പ്രശ്നബാധിത പ്രദേശത്ത് കയറില് ബന്ധിപ്പിച്ച് നിര്ത്തിയാണ് ഇത് പ്രവര്ത്തിപ്പിക്കുക. പൊങ്ങുമ്പോള് ബലൂണ് ലൈറ്റിനെ ബാലന്സ് ചെയ്ത് താങ്ങി നിര്ത്തും. കൊയിലാണ്ടി എ.ആര് ക്യാമ്പില്നിന്നാണ് ലൈറ്റ് സംവിധാനം എത്തിച്ചത്. രാത്രികാലങ്ങളില് സംഘംചേര്ന്ന് അക്രമത്തിലേര്പ്പെടുന്നവരെ പിരിച്ചുവിടാന് പൊലീസിന് ഏറെ സഹായകരമാകുമെന്നാണ് കരുതുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.