കോഴിക്കോട്: സിറ്റി ട്രാഫിക് പൊലീസ് നഗരത്തിലെ വിവിധയിടങ്ങളില് നടത്തിയ വാഹനപരിശോധനയില് 110 കുട്ടി ഡ്രൈവര്മാര് പിടിയില്. ഇവരുടെ ഇരുചക്രവാഹനങ്ങള് കസ്റ്റഡിയിലെടുത്തു. വെള്ളിമാടുകുന്ന് ജെ.ഡി.ടി. പരിസരത്തനിന്നാണ് കൂടുതല് പേരെ പിടിച്ചത്. രക്ഷിതാക്കളോടൊപ്പം കുട്ടികള് രണ്ടു ദിവസത്തെ ട്രാഫിക് ബോധവത്കരണ ക്ളാസില് പങ്കെടുത്താല് മാത്രമേ പിടിച്ചെടുത്ത വാഹനങ്ങള് തിരിച്ചുനല്കുകയുള്ളുവെന്നും ട്രാഫിക് പൊലീസ് അറിയിച്ചു. അമിത വേഗം, ഹെല്മറ്റ് ധരിക്കാതിരിക്കല്, ഫാന്സി നമ്പര് പ്ളേറ്റ്, കണ്ണാടിയില്ലാത്ത വാഹനങ്ങള്, ലൈസന്സ് ഇല്ലാതെ വാഹനമോടിക്കല് തുടങ്ങിയ നിയമലംഘനങ്ങള്ക്കാണ് വാഹനങ്ങള് കസ്റ്റഡിയിലെടുത്തത്. ട്രാഫിക് അസി. കമീഷണര്മാരായ എ.കെ. ബാബു, സി. അരവിന്ദാക്ഷന് എന്നിവരുടെ നേതൃത്വത്തില് നഗരത്തിലെ കോളജ്, സ്കൂള് പരിസരങ്ങള് കേന്ദ്രീകരിച്ചാണ് പരിശോധന നടന്നത്. പരിശോധന ഞായറാഴ്ചയും തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.