കൊടുവള്ളി: പന്നൂര് ഗവ. ഹയര് സെക്കന്ഡറി സ്കൂളില് നടന്ന കൊടുവള്ളി ഉപജില്ലാ സ്കൂള് കായികമേളയില് തുടര്ച്ചയായി ആറാം തവണയും പന്നൂര് ഗവ. ഹയര് സെക്കന്ഡറി സ്കൂള് ചാമ്പ്യന്മാരായി. കൂടത്തായ് ഗവ. ഹയര് സെക്കന്ഡറി സ്കൂള് രണ്ടും എളേറ്റില് എം.ജെ.എച്ച്.എസ്.എസ് മൂന്നും സ്ഥാനങ്ങള് നേടി. എല്.പി വിഭാഗത്തില് എളേറ്റില് ജി.എം.യു.പി.എസും യു.പി വിഭാഗത്തില് എ.യു.പി.എസ് മാനിപുരവും ഹൈസ്കൂള് വിഭാഗത്തില് എം.ജെ.എച്ച്.എസ്.എസും ഹയര് സെക്കന്ഡറി വിഭാഗത്തില് പന്നൂര് ഗവ. ഹയര് സെക്കന്ഡറിയും മത്സരങ്ങളില് ഗ്രൂപ് ചാമ്പ്യന്മാരായി.ബ്ളോക് പഞ്ചായത്ത് പ്രസിഡന്റ് സി.ടി. വനജ വിജയികള്ക്ക് ട്രോഫികള് സമ്മാനിച്ചു. എ.ഇ.ഒ പി.കെ. രവീന്ദ്രന് അധ്യക്ഷത വഹിച്ചു. പഞ്ചായത്ത് പ്രസിഡന്റ് എന്.സി. ഉസ്സയിന്, കെ.കെ. ആലി, എം.എന്. ശശിധരന്, കെ. സുരേന്ദ്രന്, സുരേഷ് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.