മുക്കം: നാലു ദിവസങ്ങളിലായി തോട്ടുമുക്കത്ത് നടന്ന മുക്കം ഉപജില്ലാ കായികമേള സമാപിച്ചു. തോട്ടുമുക്കം ഹയര് സെക്കന്ഡറി സ്കൂള് ഗ്രൗണ്ടില് നടന്ന കായികമേളയില് 328 പോയന്റ് നേടി സെന്റ് ജോസഫ് ഹയര് സെക്കന്ഡറി സ്കൂള് പുല്ലൂരാംപാറ ഓവറോള് ചാമ്പ്യന്മാരായി.198 പോയന്റ് നേടിയ കൂടരഞ്ഞി സെന്റ് സെബാസ്റ്റ്യന്സ് ഹയര് സെക്കന്ഡറി സ്കൂള് രണ്ടാം സ്ഥാനം നേടി. എല്.പി വിഭാഗത്തില് എച്ച്.എന്.സി.കെ.എം എ.യു.പി സ്കൂള് കാരശ്ശേരി ഓവറോള് ചാമ്പ്യന്മാരായപ്പോള് ജി.യു.പി.എസ് തോട്ടുമുക്കം രണ്ടാം സ്ഥാനം കരസ്ഥമാക്കി. യു.പി വിഭാഗത്തില് മുക്കം ഓര്ഫനേജ് ഗേള്സ് ഹയര് സെക്കന്ഡറി സ്കൂള് ചാമ്പ്യന്മാരായി. ഈ വിഭാഗത്തില് എം.എ.എം യു.പി സ്കൂള് വിളക്കാംതോട് രണ്ടാം സ്ഥാനം നേടി. മുക്കം ഉപജില്ലയിലെ അറുപതോളം സ്കൂളുകള് മേളയില് പങ്കെടുത്തു. സമാപന പരിപാടിയില് കൊടിയത്തൂര് ഗ്രാമപഞ്ചായത്ത് പ്രസിഡന്റ് സി.ടി.സി. അബ്ദുല്ല സമ്മാനദാനം നിര്വഹിച്ചു. ഫാ. സജി മങ്കര അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.