കോഴിക്കോട്: ജില്ലയില് റേഷന്കാര്ഡില്ലാത്ത 558 ആദിവാസി കുടുംബങ്ങളാണുള്ളതെന്ന് ഒൗദ്യോഗിക കണക്ക്. ആകെയുള്ള 2680 കുടുംബങ്ങളില് 2122 കുടുംബങ്ങള്ക്കാണ് കാര്ഡുള്ളത്. വയനാട് ജില്ലയിലാണ് കാര്ഡില്ലാത്ത ആദിവാസി കുടുംബങ്ങളേറെ-7672. അവിടെ 36,135 കുടുംബങ്ങളില് 28,463 കുടുംബങ്ങള്ക്കാണ് കാര്ഡുള്ളത്. തിരുവനന്തപുരം-796, കൊല്ലം-202, പത്തനംതിട്ട-342, ആലപ്പുഴ-106, കോട്ടയം-517, ഇടുക്കി-2899, എറണാകുളം-392, തൃശൂര്-235, പാലക്കാട്-3968, മലപ്പുറം-1162, കണ്ണൂര്-2092, കാസര്കോട്-4054 എന്നിങ്ങനെയാണ് മറ്റു ജില്ലകളില് റേഷന്കാര്ഡില്ലാത്ത ആദിവാസി കുടുംബങ്ങള്. കോഴിക്കോട്, വയനാട്, കണ്ണൂര്, മലപ്പുറം ജില്ലകളില് താമസിക്കുന്ന പണിയ വിഭാഗത്തില് 5841 കുടുംബങ്ങള്ക്ക് കാര്ഡില്ല. 21,605 കുടുംബങ്ങളാണ് ഈ വിഭാഗത്തിലുള്ളത്. വയനാട്ടിലും വാണിമേലിലും കഴിയുന്ന 8362 കുറിച്യര് വിഭാഗം കുടുംബങ്ങളില് 620 കുടുംബങ്ങള്ക്ക് കാര്ഡില്ല. കാസര്കോട് താലൂക്കില് മാത്രമുള്ള പ്രാക്തന ഗോത്രവര്ഗമായ 445 കൊറഗ കുടുംബങ്ങളില് 95 കുടുംബങ്ങള്ക്ക് കാര്ഡില്ല. സംസ്ഥാനത്ത് മൊത്തമുള്ള 1,07,965 ആദിവാസി കുടുംബങ്ങളില് 82,970 കുടുംബങ്ങള്ക്കാണ് കാര്ഡുള്ളത്. ജില്ലയിലെ ആദിവാസികളില് 60.04 ശതമാനം ദാരിദ്ര്യരേഖക്ക് താഴെയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.