ഈരാറ്റുപേട്ട: എൻ.ഡി.എ സ്ഥാനാർഥിക്കു വേണ്ടി വോട്ട് ചോദിക്കാനെത്തിയ പി.സി. ജോർജ് എം.എൽ.എയും വ്യാപാരിയും തമ്മിൽ വാ ക്കേറ്റം. ഒപ്പമുണ്ടായിരുന്നവർ കടയിൽ അക്രമം നടത്തിയെന്നു പരാതി. മൂന്നിലവ് പഞ്ചായത്തിലെ കുരിശുങ്കൽപറമ്പിൽ സിബിയുടെ ബേക്കറിക്കു നേരെയാണ് ആക്രമണം. വ്യാഴാഴ്ച രാവിലെ 11നാണു സംഭവം. കടയിലെത്തിയ പി.സി. ജോർജും സിബിയും വാക്തർക്കമുണ്ടായി. എം.എൽ.എക്ക് ഒപ്പമുണ്ടായിരുന്നവർ കടയിലെ അലമാരക്ക് കേടുപാടു വരുത്തി. ഭരണികൾ എറിഞ്ഞുടച്ചു. സിബി മേലുകാവ് പൊലീസിൽ പരാതി നൽകി. കടയുടമ പ്രകോപനപരമായി സംസാരിച്ചപ്പോൾ കൂടുതൽ പ്രവർത്തകർ കടയിലേക്ക് എത്തുക മാത്രമാണ് ഉണ്ടായതെന്ന് പി.സി. ജോർജ് എം.എൽ.എ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.