കുമളി: മംഗളാദേവി ക്ഷേത്ര പുനരുദ്ധാരണത്തിന് നടപടി സ്വീകരിച്ച കേരള സർക്കാറിന് നന്ദി അർപ്പിച്ച് തമിഴ്നാട്ടിൽ പൊങ്കാല വഴിപാട്. തമിഴ്നാട് കണ്ണകി ട്രസ്റ്റ് നേതൃത്വത്തിലാണ് സംസ്ഥാന അതിർത്തിയിലെ ലോവർ ക്യാമ്പ് പളിയക്കുടിയിൽ പൊങ്കാല ഉത്സവം നടന്നത്. പെരിയാർ കടുവസങ്കേതത്തിനുള്ളിലെ മംഗളാദേവി ക്ഷേത്രം പുനരുദ്ധരിക്കാൻ ദിവസങ്ങൾക്ക് മുമ്പ് ചേർന്ന മന്ത്രിസഭ യോഗം തീരുമാനിച്ചിരുന്നു. ക്ഷേത്രം പുനരുദ്ധരിക്കണമെന്നാവശ്യപ്പെട്ട് തമിഴ്നാട് കണ്ണകി ട്രസ്റ്റ് മുമ്പ് കേരള ഹൈകോടതിയെ സമീപിച്ച് നേടിയ ഉത്തരവിെൻറ അടിസ്ഥാനത്തിലായിരുന്നു സർക്കാർ തീരുമാനം. ഇതോടെ അഹ്ലാദത്തിലായ ട്രസ്റ്റ് ഭാരവാഹികളുടെ നേതൃത്വത്തിലാണ് പൊങ്കാല നടത്തിയത്. തമിഴ്നാട്ടിലെ പളിയക്കുടി വഴി ആറ് കിലോമീറ്റർ ദൂരമാണ് മംഗളാദേവിക്കുള്ളത്. ഈ പാത വിപുലപ്പെടുത്തണമെന്ന് ആവശ്യപ്പെട്ട് വരുകയാണ് ട്രസ്റ്റ് ഭാരവാഹികൾ. പളിയക്കുടിയിൽ നടന്ന പൊങ്കാലക്ക് ഭാരവാഹികളായ രാജേന്ദ്രൻ, തമിഴാദൻ, മുരുകൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.