കോട്ടയം: കെവിെൻറ കൊലപാതകം സി.ബി.െഎ അന്വേഷിക്കണമെന്നും ഇതിനു നിർദേശം നൽകുമെന്നും ദേശീയ ന്യൂനപക്ഷ കമീഷന് വൈസ് ചെയര്മാന് ജോര്ജ് കുര്യന്. ഭാര്യ നീനുവിന് സർക്കാർ ജോലി നൽകണമെന്നും സഹോദരിക്ക് ജോലി നൽകാൻ സഭ നേതൃത്വവും തയാറാകണമെന്നും അദ്ദേഹം പറഞ്ഞു. കെവിെൻറ വീട് സന്ദർശിച്ചശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. കഴിഞ്ഞ മാര്ച്ചില് പുറപ്പെടുവിച്ച സുപ്രീംകോടതി വിധി പ്രകാരം ദുരഭിമാന കൊലപാതകത്തിെൻറ അന്വേഷണങ്ങളില് വീഴ്ച സംഭവിച്ചാല് പൊലീസിനെയും പ്രതിചേര്ക്കാം. കൂടാതെ ജില്ല കലക്ടറുടെ മേല്നോട്ടത്തില് ദിവസവും കേസിെൻറ പുരോഗതി വിലയിരുത്തി ആറുമാസത്തിനുള്ളില് വിധി പ്രസ്താവിക്കേണ്ടതാണെന്നും അദ്ദേഹം പറഞ്ഞു. ശനിയാഴ്ച രാവിലെ 11ഒാടെ കെവിെൻറ വീട്ടിലെത്തിയ ജോര്ജ് കുര്യൻ കേസ് വിവരങ്ങൾ ചോദിച്ചറിഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.