മഅ്ദനി: കേരള സർക്കാർ സമ്മർദം ചെലുത്തണം -പി.ഡി.പി േകാട്ടയം: ബംഗളൂരുവിൽ കഴിയുന്ന പി.ഡി.പി ചെയർമാൻ അബ്ദുന്നാസിർ മഅ്ദനിയുടെ ആരോഗ്യനില വഷളായ സാഹചര്യത്തിൽ കേരളത്തിലെ പൊതുസമൂഹം ഉണരണമെന്നും പ്രാർഥിക്കണമെന്നും പി.ഡി.പി സംസ്ഥാന സെക്രട്ടറി എം.എസ്. നൗഷാദ് അഭ്യർഥിച്ചു. നിലവിലെ ചികിത്സയിൽ കാര്യമായ മാറ്റമുണ്ടായിട്ടില്ല. ഇൗ സാഹചര്യത്തിൽ ബംഗളൂരുവിലെ പ്രമുഖ ന്യൂറോഫിസിഷ്യനെ കാണിച്ച് വിവിധ പരിശോധനകൾ നടത്തിയെങ്കിലും റിസൽട്ട് വന്നിട്ടില്ല. ആരോഗ്യപ്രശ്നങ്ങളാൽ വലയുന്ന മഅ്ദനിയുടെ കാര്യത്തിൽ കർണാടക സർക്കാർ നിസ്സംഗത വെടിയണം. കേരള സർക്കാർ വിഷയത്തിൽ ഇടപെട്ട് സമ്മർദം ചെലുത്തണമെന്നും അദ്ദേഹം ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.