മുട്ടം: മീൻതല തിന്ന പൂച്ചകൾ ചത്തസംഭവത്തിൽ തൊടുപുഴ തഹസിൽദാർ ഷൈജു ജേക്കബിെൻറ നേതൃത്വത്തിൽ റവന്യൂ സംഘവും ഭക്ഷ്യസുരക്ഷ വിഭാഗം അസി. കമീഷണർ ബി. മധുസൂദൻ എന്നിവരും അറക്കുളത്ത് എത്തി പരിശോധന നടത്തി. ചത്ത പൂച്ചയെ കുഴിയിൽനിന്നെടുത്ത് പോസ്റ്റ്മോർട്ടം നടത്തി സാമ്പിളുകൾ ശേഖരിച്ചു. കൂടുതൽ വിവരങ്ങൾ പോസ്റ്റ്മോർട്ടം റിപ്പോർട്ടിെൻറ അടിസ്ഥാനത്തിൽ മാത്രമേ അറിയാൻ കഴിയൂ. അറക്കുളം മൈലാടിയിൽ വിഴുക്കപ്പാറ ഷാജി വളർത്തുന്ന 16 പൂച്ചകളിൽ 14 എണ്ണമാണ് രണ്ടു ദിവസങ്ങളിലായി ചത്തത്. കൂടാതെ ആലിൻചുവട് സുരേന്ദ്രെൻറ ഒരു പൂച്ചയും ചത്തു. ഞായറാഴ്ച അതുവഴി വന്ന വഴിക്കച്ചവടക്കാരനിൽനിന്ന് അയലയും മത്തിയും വാങ്ങിയിരുന്നു. ഇവയുടെ തല പൂച്ചകൾക്ക് കൊടുക്കുകയായിരുന്നു. ഇതിൽ എട്ട് പൂച്ചകളെ ചത്തനിലയിൽ കണ്ടെത്തുകയും ആറ് പൂച്ചകളെ കാണാതാകുകയും ചെയ്തു. ഇവയും ചത്തുപോയിരിക്കാം എന്ന് ഷാജി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.