കുമളി: മുല്ലപ്പെരിയാർ അണക്കെട്ടിെൻറ വൃഷ്ടിപ്രദേശത്ത് നീരൊഴുക്ക് വർധിച്ചതോടെ ജലനിരപ്പ് 117 അടിയായി ഉയർന്നു. ഒറ്റദിവസംകൊണ്ട് അരയടിയാണ് വർധിച്ചത്. ജലനിരപ്പ് 111 അടിവരെ താഴ്ന്ന ശേഷമാണ് ഇപ്പോൾ ഉയർന്നത്. സെക്കൻഡിൽ 1266 ഘനയടി ജലമാണ് അണക്കെട്ടിലേക്ക് ഒഴുകിയെത്തുന്നത്. 225 ഘനയടി ജലം തമിഴ്നാട്ടിലേക്ക് തുറന്നുവിട്ടിട്ടുണ്ട്. കേരളത്തിനൊപ്പം അതിർത്തി ജില്ലയായ തേനിയിലും മഴ തുടരുന്നുണ്ട്. മുല്ലപ്പെരിയാർ ജലം സംഭരിക്കുന്ന തേനി ജില്ലയിലെ വൈഗ ഡാമിൽ 30.15 അടി ജലമാണുള്ളത്. ഇവിടേക്ക് സെക്കൻഡിൽ 113 ഘനയടി ജലം ഒഴുകിയെത്തുന്നുണ്ട്. മുല്ലപ്പെരിയാറിെൻറ വൃഷ്ടിപ്രദേശമായ പെരിയാറിൽ 27.8ഉം തേക്കടിയിൽ 26.6 മില്ലിമീറ്റർ മഴയാണ് പെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.