കോട്ടയം: നിയന്ത്രണംവിട്ട കാർ സ്കൂട്ടറിലും സൈക്കിളിലും ഇടിച്ച്് രണ്ടുപേർക്ക് പരിക്ക്. ഒരാളുടെ നില ഗുരുതരം. കോട്ടയം പുലിക്കുട്ടിശ്ശേരി പെരുന്നക്കോട് ജോസഫിെൻറ മകൻ അലൻ (12), പുലിക്കുട്ടിശ്ശേരി മൂന്നുമലയിൽ ഐക്ക് ജോസഫ് കുര്യെൻറ ഭാര്യ ഹന്ന(25) എന്നിവർക്കാണ് പരിക്കേറ്റത്. അലെൻറ നില ഗുരുതരമാണ്. ഞായർ വൈകീട്ട് നാലോടെ പുലിക്കുട്ടിശ്ശേരി- ഐക്കരച്ചിറ പാലത്തിനു സമീപമായിരുന്നു അപകടം. നിയന്ത്രണംവിട്ട കാർ ഹന്ന ഓടിച്ചിരുന്ന ആക്ടീവ സ്കൂട്ടറിലിടിച്ചശേഷം അലൻ സഞ്ചരിച്ച സൈക്കിളിൽ ഇടിക്കുകയായിരുന്നു. ഓടിക്കൂടിയ നാട്ടുകാർ ചേർന്ന് പരിക്കേറ്റവരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കഴുത്തിനും തലക്കും പരിക്കേറ്റ അലനെ തീവ്രപരിചരണ വിഭാഗത്തിൽ പ്രവേശിപ്പിച്ചു. ഹന്നയുടെ പരിക്ക് ഗുരുതരമല്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.