കൊച്ചി: പൊലീസ് സഹകരണസംഘം പൊതുയോഗത്തിൽ വാക്കേറ്റവും ഉന്തുംതള്ളും. നിലവിൽ അഡ്മിനിസ്ട്രേറ്റർ ഭരണം നടക്കുന്ന സംഘത്തിൻെറ പൊതുയോഗം കടവന്ത്രയിലെ ഓഫിസിൽ നടക്കുന്നതിനിടെ മുൻ അംഗങ്ങൾക്കെതിരെ പരാമർശമുണ്ടായതാണ് തർക്കത്തിലേക്ക് നയിച്ചത്. യോഗത്തിൽ അഡ്മിനിസ്ട്രേറ്റർ സംസാരിക്കുന്നതിനിടെ പഴയ ബോർഡ് അംഗം ഉൾപ്പെടുന്ന 25 പേർ പ്രകോപിതരായി എഴുന്നേറ്റതോടെയാണ് സംഭവങ്ങളുടെ തുടക്കം. അഡ്മിനിസ്ട്രേറ്റർ ഭരണം വന്നപ്പോൾ രണ്ട് ജില്ലയിൽനിന്നുള്ള നിക്ഷേപത്തുക പിൻവലിച്ചത് സംഘത്തിന് തിരിച്ചടിയായെന്ന പരാമർശം പിൻവലിക്കണമെന്ന് അവർ ആവശ്യപ്പെട്ടു. ഇതിനെ മറ്റുള്ളവർ എതിർത്തതോടെ വാക്കേറ്റത്തിന് വഴിവെക്കുകയായിരുന്നു. തുടർന്ന് പൊലീസ് അസോസിയേഷൻ ഭാരവാഹികളും മറ്റ് ഉദ്യോഗസ്ഥരും ഇടപെട്ട് പ്രശ്നം പരിഹരിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.