നെടുമ്പാശ്ശേരി: കാണാതായ വനിത സിവിൽ പൊലീസ് ഓഫിസർ അയ്യമ്പുഴ സ്വദേശിനി പ്രഭ തിരുവനന്തപുരത്തുള്ളതായി സൂചന. ശനിയാഴ്ച വൈകീട്ട് ഇവർ ഭർത്താവിനെ ഫോണിൽ വിളിച്ചിരുന്നു. തിരുവനന്തപുരത്തുണ്ടെന്നും നാട്ടിലേക്ക് വരുകയാണെന്നുമാണ് അറിയിച്ചത്. തിരുവനന്തപുരത്തേക്ക് വരേണ്ടെന്നും ബസിൽ വന്നുകൊള്ളാമെന്നുമാണ് പറഞ്ഞത്. നെടുമ്പാശ്ശേരി പൊലീസ് സ്റ്റേഷനിലെ സിവിൽ പൊലീസ് ഓഫിസറായ ഇവരെ വെള്ളിയാഴ്ച രാവിലെ മുതലാണ് കാണാതായത്. വീട്ടിൽനിന്ന് ഡ്യൂട്ടിക്ക് പുറപ്പെട്ട ഇവർ ശരീരികാസ്വസ്ഥത തോന്നുന്നതിനാൽ അവധി വേണമെന്ന് സി.ഐയോട് ഫോണിലൂടെ ആവശ്യപ്പെട്ടിരുന്നു. ഇവരുടെ സ്കൂട്ടർ അങ്കമാലി കെ.എസ്.ആർ.ടി.സി ബസ് സ്റ്റാൻഡിൽ കണ്ടെത്തിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.