ആലപ്പുഴ: നെഹ്റുട്രോഫി വള്ളംകളിയുടെ ഭാഗമായി ഹെലികോപ്ടർ സഞ്ചാരമൊരുക്കി ആലപ്പുഴ ഡി.ടി.പി.സി. ജില്ലയിെല ആദ്യ ഹെലി കോപ്ടർ ടൂറിസം പദ്ധതിയാണിത്. ആലപ്പുഴ ബീച്ചിന് സമീപത്തെ റിക്രിയേഷൻ മൈതാനത്ത് 30, 31, സെപ്റ്റംബർ ഒന്ന് തീയതികളിലായി 10 മിനിറ്റ് ദൈർഘ്യമുള്ള ഹെലികോപ്ടർ സഞ്ചാരമാണ് ഒരുക്കുന്നത്. 2500 രൂപയാണ് ടിക്കറ്റ് നിരക്ക്. 10 പേരടങ്ങുന്ന ഗ്രൂപ്പുകളായാണ് യാത്ര. ആദ്യ ദിവസത്തെ ആദ്യ അഞ്ചുമണിക്കൂറിലെ വരുമാനം മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് സംഭാവന ചെയ്യുമെന്ന് ജില്ല കലക്ടർ ഡോ. അദീല അബ്ദുല്ല, ഡി.ടി.പി.സി സെക്രട്ടറി എം. മാലിൻ എന്നിവർ അറിയിച്ചു. ബംഗളൂരു ആസ്ഥാനമായ ചിപ്സൻ ഏവിയേഷനുമായി ചേർന്നാണ് യാത്ര ഒരുക്കുന്നത്. 30ന് വൈകീട്ട് നാലുമുതൽ ആറുവരെയും 31, ഒന്ന് തീയതികളിൽ രാവിലെ എട്ടുമുതൽ 10 വരെയുമാണ് സർവിസ്. നെഹ്റുട്രോഫി വള്ളംകളിയുടെയും പ്രഥമ സി.ബി.എല്ലിൻെറയും ഭാഗമായി സഞ്ചാരികളെ ആകർഷിക്കുകയാണ് ലക്ഷ്യം. ഫോൺ: 04772251796. 9400051796.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.