നെടുമ്പാശ്ശേരി: കൊച്ചി വിമാനത്താവളത്തിൽ 12 കോടിയുടെ കൊക്കെയ്ൻ പിടികൂടി. രാവിലെ 9.40ന് ഖത്തർ എയർവേസ് വിമാനത്തിലെത്തിയ വെനിസ്വേല സ്വദേശി വിക്ടർ ഡേവിഡിെൻറ (24) പക്കൽനിന്നാണ് മയക്കുമരുന്ന് പിടികൂടിയത്. രഹസ്യവിവരത്തെത്തുടർന്ന്് നാർകോട്ടിക് കൺട്രോൾ ബ്യൂറോ ഉദ്യോഗസ്ഥർ വിമാനത്താവളത്തിലെത്തി പിടികൂടുകയായിരുന്നു. സാവോപോളയിൽ നിന്നാണ് ഇയാൾ ഇത് കൊണ്ടുവന്നത്. 2.7 കിലോ കൊക്കെയ്നാണ് സ്യൂട്ട്്്കെയ്സിൽ പ്രത്യേക അറയുണ്ടാക്കി ഒളിപ്പിച്ചിരുന്നത്. വിക്ടറിനെ വിശദമായി ചോദ്യം ചെയ്തുവരുകയാണ്. ഭാഷാപ്രശ്നമുള്ളതിനാൽ ദ്വിഭാഷിയെ ഉപയോഗപ്പെടുത്തിയാണ് ചോദ്യംചെയ്യൽ. കൊച്ചിയിലേക്ക്്് കൊണ്ടുവന്നതാണോ അതോ, ഗോവ ഉൾപ്പെടെയുള്ള കേന്ദ്രങ്ങളിലേക്ക്്് എത്തിക്കാൻ കൊണ്ടുവന്നതാണോയെന്നും അന്വേഷിക്കുന്നുണ്ട്. മുമ്പ് കൊച്ചിയിൽ പിടികൂടിയ കൊക്കെയ്ൻ അധികവും ഗോവയിലേക്ക്്് കടത്തികൊണ്ടുവന്നതായിരുന്നു. പിടിയിലായ ആൾക്ക്്് കൊച്ചിയിൽ സഹായികൾ ഉണ്ടായിരുന്നോയെന്നും പരിശോധിക്കുന്നുണ്ട്്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.