കായംകുളം: ഷാലിമാർ തിരുവനന്തപുരം എക്സ്പ്രസ് ട്രെയിനിൽ ആർ.പി.എഫും എക്സൈസും നടത്തിയ റെയ്ഡിൽ കഞ്ചാവ് പിടികൂടി. കഴിഞ്ഞ ദിവസം രാത്രി കായംകുളം റെയിൽവേ സ്റ്റേഷനിൽ നടത്തിയ പരിശോധനയിലാണ് 250 ഗ്രാം കഞ്ചാവ് പിടികൂടിയത്. ട്രെയിനിലെ ലോക്കൽ കമ്പാർട്ടുമെൻറിൽ കഞ്ചാവ് കടത്തുന്നതായി എക്സൈസിന് ലഭിച്ച വിവരത്തെ തുടർന്നായിരുന്നു പരിശോധന. സംശയാസ്പദമായി കണ്ട പെട്ടി പരിശോധിച്ചപ്പോഴാണ് കഞ്ചാവ് കണ്ടെത്തിയത്. ഉടമയെ പിടികൂടാനായില്ല. എക്സൈസ് ഇൻസ്പെക്ടർ വിനോദ്, ആർ.പി.എഫ് എ.എസ്.ഐ ഷാജി, ഉദ്യോഗസ്ഥരായ ശ്രീനിവാസൻ, ലാലൻപിള്ള എന്നിവരാണ് പരിശോധനക്ക് നേതൃത്വം നൽകിയത്. ലോറി കടയിൽ ഇടിച്ചുകയറി കായംകുളം: ദേശീയപാതയിലെ കുഴിയിൽവീണ് ആക്സിൽ ഒടിഞ്ഞ ബുള്ളറ്റ് ടാങ്കർ ലോറി നിയന്ത്രണം വിട്ട് സമീപത്തെ കടയിൽ ഇടിച്ചുകയറി. പുലർച്ചയായതിനാൽ ആർക്കും പരിക്കില്ല. തിരുവനന്തപുരത്തുനിന്നും എറണാകുളത്തേക്ക് പോകുകയായിരുന്ന കാലിയായ ബുള്ളറ്റ് ടാങ്കറാണ് അപകടത്തിൽപെട്ടത്. എതിരെ വന്നകാറിൽ ഇടിക്കാതിരിക്കാൻ വെട്ടിച്ചപ്പോഴാണ് കുഴിയിൽ വീണത്. കാലി ടാങ്കർ ആയതിനാൽ ദുരന്തം ഒഴിവായി. മഴ തുടങ്ങിയതോടെ ദേശീയ പാതയിൽ കൃഷ്ണപുരം മുതൽ ഹരിപ്പാടു വരെ വലിയ കുഴികൾ രൂപപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.