'ഫാദർ പ്രോമിസി''ന് ദീപൻ സ്മാരക അവാർഡ് കൊച്ചി: വോയ്സ് ഓഫ് കൊച്ചി സംഘടിപ്പിച്ച ഒന്നാമത് ദീപൻ ഫിലിം ഫെസ്റ്റിവലിൽ മികച്ച ചിത്രമായി അരവിന്ദ് രാജേന്ദ്രൻ സംവിധാനം ചെയ്ത ഹ്രസ്വചിത്രം 'ഫാദർ പ്രോമിസ്' തെരഞ്ഞെടുക്കപ്പെട്ടു. ഒരു ലക്ഷം രൂപയും ദീപൻ സ്മാരക ഫലകവുമാണ് സമ്മാനം. 'ദി വാൾ', 'പല്ലൊട്ടി' എന്നിവ രണ്ടും മൂന്നും സ്ഥാനത്തെത്തി. സംവിധായകനായി അരവിന്ദ് രാജേന്ദ്രൻ ( ഫാദർ പ്രോമിസ്), മികച്ച നടനായി ബാബു അന്നൂർ (റേഡിയോ), നടിയായി പ്രാർഥന സന്ദീപ് (ഫാദർ പ്രോമിസ്) എന്നിവരും പുരസ്കാരം നേടി. എറണാകുളം ചിൽഡ്രൻസ് പാർക്ക് തിയറ്ററിൽ നടന്ന സമാപന സമ്മേളനത്തിൽ ഫെഫ്ക ജനറൽ സെക്രട്ടറി സംവിധായകൻ ബി. ഉണ്ണികൃഷ്ണൻ സമ്മാനം വിതരണം ചെയ്തു. പി.ആർ. റെനീഷ് അധ്യക്ഷത വഹിച്ചു. സംവിധായകൻ മെക്കാർട്ടിെൻറ നേതൃത്വത്തിൽ സംവിധായകൻ പി. പത്മകുമാർ, തിരക്കഥാകൃത്ത് സിന്ധുരാജ് എന്നിവരടങ്ങിയ ജൂറിയാണ് വിജയികളെ കണ്ടെത്തിയത്. സാങ്കേതിക മേഖലകളിലടക്കം നിരവധി അവാർഡുകളോടൊപ്പം സ്പെഷൽ ജൂറി പുരസ്കാരങ്ങളും വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.