കൊച്ചി: വിസ തട്ടിപ്പുകേസിൽ ഒരാൾ അറസ്റ്റിൽ. കലൂർ പാവക്കുളം ക്ഷേത്രത്തിനു സമീപം യൂറോ ഏഷ്യ സ്ഥാപനം നടത്തിയിരുന്ന കലൂർ സ്വദേശി തങ്കച്ചനെയാണ് (59) എറണാകുളം നോർത്ത് പൊലീസ് അറസ്റ്റ് ചെയ്തത്. കോട്ടയം സംക്രാന്ത്രി സ്വദേശി ജോസഫിെൻറ മകന് യു.കെയിൽ ജോലി നൽകാമെന്ന് പറഞ്ഞ് 1.83 ലക്ഷം രൂപയാണ് തങ്കച്ചൻ തട്ടിയത്. 2003ൽ ആരംഭിച്ച സ്ഥാപനത്തിന് കോട്ടയം, തൃശൂർ, എറണാകുളം എന്നിവിടങ്ങളിൽ ശാഖകളുണ്ട്. ഡെൻമാർക്ക്, യു.കെ എന്നിവിടങ്ങളിൽ നഴ്സിങ് ജോലി വാഗ്ദാനം ചെയ്ത് പലരിൽനിന്നും ഇയാൾ പണം തട്ടിയിട്ടുണ്ട്. സമാന കേസിൽ 2009ലും ഇയാളെ അറസ്റ്റ് ചെയ്തിരുന്നു. നോർത്ത് സി.ഐ കെ.ജെ. പീറ്റർ, എസ്.ഐ വിപിൻദാസ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്. തിങ്കളാഴ്ച കോടതിയിൽ ഹാജരാക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.