നെടുമ്പാശ്ശേരി: കൊച്ചി രാജ്യാന്തര വിമാനത്താവളത്തിൽനിന്ന് തമിഴ്നാട്ടിലെ തിരുച്ചിറപ്പള്ളിയിലേക്കും കർണാടകയിലെ ഹുബ്ബള്ളിയിലേക്കും വിമാന സർവിസ് തുടങ്ങി. 74 സീറ്റുള്ള എ.ടി.ആർ വിമാനമുപയോഗിച്ച് ഇൻഡിഗോയാണ് സർവിസ് നടത്തുന്നത്. ദിവസവും രാവിലെ 6.25 ന് കൊച്ചിയിൽനിന്ന് തിരുച്ചിറപ്പള്ളിക്ക് പോകുന്ന വിമാനം 7.15 ന് അവിടെയെത്തും. 11.30 ന് കൊച്ചിയിലേക്ക് മടങ്ങും. 1.50 ന് ഇതേവിമാനം കൊച്ചിയിൽനിന്ന് ഹുബ്ബള്ളിയിലേക്ക് യാത്രയാകും. നാലുമണിക്ക് എത്തും. രാത്രി 8.20ന് ഹുബ്ബള്ളിയിൽനിന്ന് മടങ്ങുന്ന വിമാനം 10.20 ന് കൊച്ചിയിലെത്തും. പുതുതായി സർവിസ് തുടങ്ങിയ വിമാനത്തിെൻറ ക്യാപ്റ്റനും ജീവനക്കാർക്കും വിമാനത്താവളത്തിൽ സ്വീകരണം നൽകി. സിയാൽ ജനറൽ മാനേജർമാരായ കെ.പി. തങ്കച്ചൻ, ടി.ആർ. ഗോപാൽകൃഷ്ണ, ഡെപ്യൂട്ടി ജനറൽ മാനേജർമാരായ പോൾ കൊച്ചേരിൽ, സി. ദിനേശ്കുമാർ, സീനിയർ മാനേജർ സോജൻ കോശി, ഇൻഡിഗോ എയർപോർട്ട് മാനേജർ റോബി ടി. ജോൺ തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.